"Harry Potter and the Philosopher's Stone" 20 år

I dag er den første Harry Potter-boka, Harry Potter and the Philosopher's Stone, 20 år. Det er nesten ikkje til å tru at historien om den unge trollmannen har eksistert i så mange år, og fanger stadig nye lesere. Eg hadde ein 8-åring på overnatting sist helg og han har ikkje kome til Harry Potter ennå (men gutten leser Detektivbyrå nr 2, og det er godt nok for denne bokdama), men eg gler meg til han kjem til min kjære Harry Potter. Han var forøvrig veldig interessert i min POP-samling av Potter-figurer, men the Dementors-figuren (fangevokterne i Azkaban) den måtte gøymas i skapet då det vart leggetid. Den var hakket for skummel å sjå på! :-)

Eg har intet mindre enn fire utgåver av den første
boka, og alle er like kjære for meg.

Den første utgåva eg fekk av Harry Potter er gitt ut i Noreg i 2000, så eg kan tenka meg det var i dei tider eg begynte å lese. Søskenbarnet mitt introduserte meg for universet, me hadde overnatting heima hjå meg og leste annakvart kapittel den kvelden fram til me sovna. Etterpå trur eg at eg lånte dei av ho, men så husker eg at eg fekk dei fire første gjennom Bokklubben, også fekk eg ei ny Harry Potter-bok dei neste åra når dei kom ut til bursdagen. Den siste las eg på engelsk, og det tok meg 3 dager. Gjorde ikkje så mykje anna dei tre dagane! Seinare har eg lest dei fleire gonger, og høyrt dei to gonger på engelsk med Stephen Frys stemme.

Gratulera med dagen til alle Harry Potter-venner!

XOXO

Bok: "Belgravia"

Forfatter: Julian Fellowes (f. 1949)
Originaltittel: Belgravia, omsett av Halvor Kristiansen
Utgitt: 2016
Min utgåve: 2016
Format: Innbundet, 433 sider
Forlag: Gyldendal

Den britiske skodespelaren, forfatteren, regissøren og produsenten Julian Fellowes har mange jern i ilden, men som regel blir alt han tar i til gull. På 2000-talet spelte han ei rolle i den populære serien Monarch of the Glen (i Noreg gjekk serien under namnet Kar for sin kilt på NRK1), og sidan då har han fokusert på å skrive og regissere serier som Downton Abbey og filmer som Young Victoria og Gosford Park. Julian Fellowes har skrevet fleire romaner, men Belgravia er den første eg leser ført i hans penn.

Belgravia starter i Brussel i juni 1815, dagen før det dramatiske slaget ved Waterloo. Hertuginnen av Richmond inviterer til ball, og den ambisiøse handelsmannen James Trenchard har lenge vore desperat etter ein invitasjon. Dottera hans, Sophia, har gjennom sin venn Edmund Bellasis klart å få invitasjoner til seg sjølv og foreldra, men kvelden blir alt anna enn vellykka. For Sophia blir heile livet endra i ettertid, og 25 år seinare befinner me oss i London.

I 1840 blir det framleis snakka om alle liva som gjekk tapt ved Waterloo, og om det tragiske ballet i Brussel, og hjå familien Trenchard er det ikkje mykje glede å spore. I London bur den tradisjonelle eliten side om side med den gryende overklassen i den fornemme bydelen Belgravia, og hemmeligheter som har vore skjult i 25 år er på god veg til overflaten. Det er fleire om ønsker disse hemmelighetene fram i lyset, medan for andre kan det bety personleg ruin og dårlegare framtidsutsikter. Det er med andre ord duka for eit kammerspel av dei sjeldne, og teppet er på veg opp!

Belgravia har stått lenge i bokhylla, og eg har prøvd meg fleire gonger, men tida har ikkje strukket til og leselysta har ikkje tillatt den. Lydbok har vore redninga, og godt mogleg er det på grunn av den at eg faktisk har fullført boka. Belgravia har mange karakterer, hemmeligheter og familieforhold å halde styr på, men så snart du kjem inni er det ikkje så vanskeleg. Problemet er vel heller at fleire av dei er så ufordragelige at boka kanskje hadde hamna i veggen ved fleire anledningar. Romanen er velskrevet, den har definitivt sine øyeblikk på godt og vondt, og ved fleire anledninger himler eg med augo fordi det er ting som er så opplagt i dag, men som var totalt utelukka i 1840. Ting som barn utanfor ekteskap, lønna arbeid og muligheten til å bryte ein forlovelse er ting som skjer i dag, men i 1840 vart du nærmast kasta ut av familien om det skjedde. Alt i alt er det ein god roman, og eg får assosiasjoner til Downton Abbey. På grunn av det siste blir eg ikkje overraska om Fellowes lager TV-serie av Belgravia. Anbefales!

XOXO

Man Booker International Prize - Vinnaren

Og vinnaren av The Man Booker International Prize 2017 heiter David Grossman og har skrevet romanen A Horse Walks Into a Bar! Gratulera til forfattaren og ikkje minst til omsetjaren Jessica Cohen!

XOXO

Når papirboka ikkje frister...

...låner ein lydboka på biblioteket!

XOXO

Bok: "Swing Time"

Forfatter: Zadie Smith (f. 1975)
Utgitt: 2016
Format: Lydbok lest av Pippa Bennett-Warner, 13t44min50sek
Forlag: Penguin

Den britiske forfatteren Zadie Smith er godt kjent og godt likt for sine romaner. Ho har fleire gonger vore på Man Bookers nominasjonsliste; i 2002 på langlista for The Autograph Man og på kortlista i 2005 for On Beauty. Swing Time er mi første Zadie Smith-bok, men eg utelukker ikkje at fleire av hennar tidlegare romaner dukker opp på bloggen.

I Swing Time møter me to venninner som drøymer om å bli profesjonelle dansere. Kun ei av dei har verkeleg talent, den andre har ideer om rytme, musikk og kva som skal til for å bli fri. Romanen Swing Time svinger veldig frå det eine til det andre, og mellom kontinenter, og den har ein egen rytme i seg som ikkje mange andre forfattere får til.

handler om vennskap og draumer, om musikk og røtter, om arv og miljø. Det store spørsmålet blir: Korleis kome vekk frå disse røttene? Venninnene kjem til ein bråstopp i vennskapet, men blir det ordentlig gløymt...?

I første omgang liker eg boka, i andre omgang kan eg ikkje heilt ta den igjen for eg har brukt så lang tid på den. Swing Time vart påbegynt i ei tid der leselysta var på topp, og avslutta for eit par dager sidan. Goodreads har fleire delte meiningar om romanen, og mange meiner at det er muligens ikkje den beste boka å begynne på i forfatterskapet til Zadie Smith. Eg har ingenting å samanlikne med, men eg liker den godt, og kjem til å plukke opp fleire Smith-bøker.

XOXO

Som ei førebuing til Man Booker Prize i juli prøver eg å få med meg bøker på Goodreads Eligible-liste (ekstern lenke). Swing Time er ein av dei mange bøkene som kan hamne på den gjeve lista.