Booker-longlist: "The Wall" av John Lanchester

Den britiske forfatteren John Lanchester (f. 1962) er fødd i Tyskland, men har studert og bur nå i London. Han har skrevet både romaner og sakprosa tidlegare, og skriver jevnlig for The New Yorker. Med dystopi-romanen The Wall har Lanchester debutert i Booker-samanheng.

I romanen The Wall treffer me Joseph Kavanagh som nyleg har begynt som beskytter av the Wall. Utenfor denne veggen er dei desperate sjelene, kalt The Others, som prøver å kome vekk frå sjøen og inn på land. Etterkvart blir Kavanagh romantisk involvert med ein anna beskytter, og dei to kjem vekk frå veggen då the Others angriper veggen. Ute på opent hav finner Kavanagh og hans venninne husly, men kan dei stole på eremitten som bur her, og stole på kvarandre?

Det er eit par veker sidan eg høyrte ferdig denne, og derfor er handlingen litt borte for meg. I øyeblikket eg høyrte denne syns eg den var bra til dystopi å være, og handlingen var grei å følge. Eg leser svært lite dystopier, men eg syns The Wall bidrar til den debatten som er i verda i dag med flyktninger som ikkje får kome inn i land som til dømes Italia sjøvegen. I dag husker eg svært lite av romanen, og det er ikkje eit godt teikn syns eg. Innleseren syns eg var bra, og det bidrog til ein god lytteopplevelse.

XOXO

| Utgitt: 2019 | Format: Lydbok lest av Will Poulter, 6t43min31sek | Forlag: Faber & Faber (papir), Whole Story Audiobooks (lyd) |

Booker-longlist: "My Sister, the Serial Killer" av Oyinkan Braithwaite

Den engelsk-nigerianske forfatteren Oyinkan Braithwaite (f. 1988) er eit forholdsvis ubeskrevet blad i den litterære verda. Ho debuterte i 2010 med novellesamlingen The Driver, medan hennar første roman er My Sister, the Serial Killer. Sistnemnte har fått mykje merksemd med blant anna plass på kortlista til Women's Prize for Fiction 2019. Dette er Braithwaites første bok i Booker-samanheng.

My Sister, the Serial Killer blir av mange sett på som lettvekteren på lista, og eg er ikkje uenig. Den er ikkje dårleg, men den er ikkje av den litterære kvaliteten som eg forventer på Booker-lista. Romanen handler om søstrene Ayoola og Korede frå Lagos i Nigeria, der den eine av søstrene i "sjølvforsvar" har drept sin kjæreste. Det er ikkje første gong Ayoola ringer sin eldre søster Korede for å få hjelp til å fjerne liket, og som den oppofrande søstra Korede er så stiller ho opp.

Søstrene er ulike som natt og dag. Korede er sjukepleier på eit sjukehus, medan Ayoola er klesdesigner. Sistnemnte søster har alltid blitt sett på som den nydelige av dei to, og forskjellsbehandlingen som foreldrene alltid har utført er vond å høyre om. Korede har alltid fått innprenta at ho må passe på søstra si, og det slår meg at muligens Ayoola ikkje er ved sine fulle fem. Det er mykje humor og satire i romanen, fortalt frå Koredes synspunkt, og når dagens sosiale medier som Twitter, Instagram og Snapchat blir nemnt må denne romanen vera frå vår samtid.

Eg høyrte denne på lyd frå Storytel, og innleseren har gjort ein god jobb. Likevel er dette ein roman som er fort lest/høyrt og fort gløymt, og eg blir virkelig overraska om denne dukker opp på kortlista i september.

* Beathe har skrevet om romanen her (ekstern lenke)!

XOXO

| Utgitt: 2018 | Min utgåve: 2019 | Format: Lydbok, lest av Weruche Opia, 4t30min22sek | Forlag: Atlantic Books (papir), Whole Story Audiobooks (lyd) |

BTTC 2017: "The Waves"

Forfatter: Virginia Woolf (1882-1941)
Utgitt: 1931
Min utgåve: 2013
Format: Lydbok, 9t3min35sek, lest av Julia Franklin
Forlag: Whole Story Audiobooks

Den britiske forfatteren Virginia Woolf er kjent for sine mange romaner, og var i mellomkrigstiden ein velkjent figur i Londons sosietet. Med romaner som Mrs Dalloway, To the Lighthouse og Orlando er det få i litteraturverda som ikkje har lest Virginia Woolf. The Waves er lest i forbindelse med Back to the Classics-utfordringa i kategorien Woman Author.

The Waves, eller Bølgene som den heiter på norsk, handler om dei seks barna Bernard, Susan, Rhoda, Neville, Jinny og Louis. Dei møter kvarandre i ein hage ved sjøen der stemmane deira til stadighet overgår bruset frå bølgene. I løpet av romanens 9 timer vokser barna opp og følger sine eigne karrierestiger og ambisjoner, men stadig i kontakt med kvarandre og bølgene.

Dette er min tredje Woolf-roman, og sjølv om eg likte godt Mrs Dalloway så er eg høyst usikker på om Virginia Woolf er noko for meg. Det blir for lite konkret og for surrealistisk til at eg klarer å halde følge. Woolf skriver bra, men på lydbok (som eigentleg ikkje fungerer for denne boka) går eg glipp av mykje. Seks personer i ei lita bok med kvar sin historie er hakket for ambisiøst syns eg, men for andre kan det saktens fungere.

XOXO

Bok: "The Temporary Gentleman"

Forfatter: Sebastian Barry (f. 1955)
Utgitt: 2014
Format: Lydbok lest av Frank Grimes, 7t21min
Forlag: Whole Story Audiobooks
Mål/utfordringar: Nye forfattere

Sebastian Barry er ein ny forfatter for meg, men The Temporary Gentleman blir ikkje den einaste boka frå denne mannen. I disse Booker-tider hadde Barry ein moglegheit til å bli nominert, men den gang ei. Han har vore nominert tidlegare: i 2005 var han på longlist med A Long Long Way, i 2008 var han på longlist med The Secret Scripture, og i 2011 var han på shortlist med On Canaan's Side.

The Temporary Gentleman er historien om Jack McNulty som i 1957 bestemmer seg for å skrive om livet sitt frå Accra. Jack er ein irsk eksmajor som ut av skuldkjensle ikkje ynskjer å reise heim til Irland. Hoveddelen av Jacks memoarer er om skuldkjensla han kjenner for si avdøydde kone, Mai. Det er mange som meiner at Jack øydela livet til Mai. Årsakene var at Jack krevde for mykje av henne både med ynskjet om barn, familie, drikkeproblemer, gambling, hans arbeide som soldat og ingeniør, og hans gjentatte reising.

Det er ein interessant roman om kor kor mykje det går an å mislike mennesket ein har vald å dele livet med, og kor mykje andres meiningar kan ha for eit forhold. Dette er tredje roman om McNulty-familien, men eg kjente ikkje at eg mangla noko i forhold til dei to tidlegare romanane: The Whereabouts of Eneas McNulty (1998) og The Secret Scripture (2008). Opplesaren, Frank Grimes, gjer ein god jobb og det gjer noko med romanen når det er ein mann med dialekt som leser. Anbefales!

Anmeldelse frå The Guardian (ekstern lenke).

XOXO