Grafisk roman: "Anne of Green Gables - A Graphic Novel" av Mariah Marsden og Brenna Thummler

Den amerikanske forfatteren Mariah Marsden er tidlegare bibliotekar, har ein universitetsgrad i Creative Writing, og er stadig på utkikk etter feer.

Den amerikanske illustratøren Brenna Thummler har illustrert for store aviser og magasiner, har grad frå college og Anne of Green Gables er hennar første illustrerte roman. Ho illustrerer for tida sine eigne grafiske romaner, Sheets (publisert 2018) og Delicates (forventa publisert 2020).

For nokre veker sidan kom eg over den grafiske romanen av Anne of Green Gables hjå den danske bokbloggeren Ann-Kristine og eg bestilte den sporenstreks på nett. Eg husker ikkje når eg begynte å lese om Anne Shirley, men eg veit eg leste heile serien som 16-åring. Dei siste åra har grafiske romaner grodd på meg, og tidlegare i år las eg og To Kill a Mockingbird som grafisk roman (ein anna favoritt).

Anne of Green Gables er velkjent for mange, men det handler om søskenparet Matthew og Marilla Cuthbert frå Prince Edward Island i Canada som bestemmer seg for å adoptere ein foreldrelaus gut frå ein barneheim for å få hjelp på garden. Då Matthew (som ikkje snakker for mykje, og i alle fall ikkje med kvinner) skal hente den foreldrelause på togstasjonen er det ei jente som venter der. Anne Shirley får etter litt om og men bu på Green Gables, og historien er i gang. Anne har snakketøy og fantasi i rikt monn, og sjølv om Marilla irriterer seg grønn over begge deler ender dei opp meget glad i kvarandre til slutt. Bøkene om Anne of Green Gables er klassikere, og ligger meget nærme mitt hjarte.

To Lucy Maud Montgomery , who reminds us that nothing is more powerful than a girl with an imagination. 

Mariah Marsden har gjort eit godt stykke arbeid med å samle dei viktigaste historiene om Anne, som då ho skjelte ut Rachel Lynde, farga håret grønt og feidene med Gilbert Blythe. Heldigvis vart dei venner igjen i denne versjonen og.

Brenna Thummler har ein strek eg ikkje blir heilt fortrolig med, men den er godt gjennomført.

XOXO

| Originalforfatter: Lucy Maud Montgomery | Utgitt: 2017 | Format: Heftet, 231 sider | Forlag: Andrews McMeel Publishing | 

Bokhyllelesing 2015: "Anne of Green Gables" (Anne of Green Gables #1) (#5)

Forfatter: Lucy Maud Montgomery (1874-1942)
Utgitt: 1908
Min utgåve: 2014
Format: Innbundet, 427 sider
Forlag: Puffin In Bloom
Mål/utfordringar: Bokhyllelesing, Back to the Classics

Denne veka har temaet i Heddas bokhyllelesing vore barndom, og eg har lest ein barndomsklassiker. Halvvegs i boka innsåg eg at eg har lest den før, men eg håper Hedda tilgir meg med tanke på at det er nærmare 13 år sidan den vart lest. Eg slår to fluer i ein smekk og legger og denne i kategorien Classic by a Woman Author i Back to the Classics-utfordringa.

Som eg har nemnt er det ikkje fyrste gongen eg har lest om Anne of Green Gables, men då det er såpass mange år sidan førre gong den vart lest har eg kost meg skikkeleg med dei drøyt fem åra av livet til Anne Shirley. Ho er ei foreldrelaus rødhåra jente som havner hjå det aldrande søskenparet Matthew og Marilla Cuthbert på Prince Edward Island, Canada. Igrunnen hadde søskenparet bedt om ein gut frå barneheimen, men det vart gjort ein feil og Anne kom istadenfor. Etter eit par dagar blir det bestemt at Anne skal få bli på Green Gables. I løpet av dei drøyt fem åra gjer Anne mange rare ting som å farge håret grønt, slå ei tavle over ein gut, klatre på hustaket etter ei utfordring, snakke hull i hodet på alle ho treffer, men mest av alt bringer ho liv og glede til Green Gables. Marilla og Matthew elsker ho med all si kraft, sjølv om Marilla ikkje er den fyrste til å innrømme slikt.

Etterkvart blir det klart at Anne er ein kløpper på skulen, og får gå vidare på college og ta lærereksamen. Hennar beste venninne er naboen Diana Barry, men dei har og sine uhell, og ved eit tilfelle får dei ikkje vera i lag for Anne skjenkte Diana full på bringebærvin ved eit uhell. Då systera til Diana blir veldig sjuk og Anne redder livet hennar tilgir fru Barry Anne.

Anne of Green Gables er ein roman om barndom, og kan absolutt lesas for barn, syns eg og at den har ein del for vaksne. Til tider veit ikkje Marilla kva ho skal gjere med alle fantasiane til Anne; naboen, Rachel Lynde, har Anne vore i tottane på meir enn ein gong; og hennar absolutte fiende på skulen, Gilbert Blythe, er til tider håplaust forelska. Eg digger Anne of Green Gables, det har eg gjort heilt sidan eg leste den fyrste gong, og etterkvart vil eg lesa resten av serien om Anne på ny. Varmt anbefalt!

XOXO