Bok: "Den unge Werthers lidelser"

Forfatter: Johann Wolfgang von Goethe (1749-1832)
Utgitt: 1774
Min utgåve: 1998
Oversetter: Nils Lie
Format: Heftet, 105 sider
Forlag: Gyldendal
Mål/utfordringer: 1001 bøker

Til tider går eg på biblioteket og bare kikker i hyllene. Enkelte gonger går eg ut utan noko, medan andre gonger plukker eg med meg så mykje eg kan bære. Sist var det Goethes korte roman som fekk bli med heim, og det er deilig at det fins korte klassikere på den fine 1001-lista.

Den unge Werthers lidelser er ein delvis sjølvbiografisk brevroman, og var Goethes første store suksess. Berømtheten kom over natta, og romanen fekk stor betydning i si samtid. På grunn av at romanen handler og om sjølvmord så vel som kjærleik var den kontroversiell og det vart hevda at fleire lesarar identifiserte seg slik med romanens hovudperson at dei tok sitt eige liv. Romanen handler om unge Werther som i løpet av halvanna år skriver brev til vennen Wilhelm. I breva skriv han om den unge Charlotte som han nærer ei djup kjærleik til, men som dessverre er bortlova til ein annan mann.

Første bok handler om korleis han møter Charlotte og korleis han til slutt bestemmer seg for å reise bort og gløyme Charlotte, og andre bok handler om korleis han vansmekter i den nye livssituasjonen og hans møte med ho igjen etter at ho er gift. Undervegs i historia møter Werther fleire døme på ulukkeleg kjærleik, og det styrker ikkje hans overbevisning om at han sjølv kan oppleve slik lukke.

Det er ein kort roman, men rommer uendeleg med tvil, sorg og ulukke. I dag er den framleis ein av Europas største kjærleiksromaner, og det var ein interessant opplevelse å lese den i brevform. Anbefales!

XOXO