Januar - oppteljing

Eg har lest 6 bøker + ei heil novellesamling i januar månad. 4 av dei er lydbøker og då er det jammen ikkje mange bøker igjen som eg har lest. Eg er lite grann skuffa over lesemånaden. Leste på ein blogg tidligare idag at istedetfor å vera lesehest, var bloggeren lesesnegle:) Kanskje eg og er det. Føler det tar så lang tid å lese dei bøkene eg vil!

- Klassiker: The Tenant of Wildfell Hall går tregt, men kjapt. Når eg leser, går det ganske kjapt, men i motsetning til den andre engelskspråklege boka eg les, går det uendelig tregt. Språket er litt gammeldags, men kapitlene er av grei størrelse. Sidan eg har sett filmatiseringa så veit eg nokonlunde korleis handlinga er, men det er likevel ein del ting som ikkje er med i filmen.

- Serie 1: Eg har høyrt ferdig Harry Potter-serien. Det var eit av mine delmål for januar, og klarte det med eit par dagers margin. Nå skal eg bruke all mi tid på å overbevisa andre som vil høyra Harry Potter om at dei må høyre på engelsk. Det var ikkje få gonger eg måtte minna meg sjølv på at det var ein person som prata for alle rollene, og ikkje skodespelarane i filmane som prata si rolle.

- Serie 2: Eg har ikkje for mykje å sei om Philip Pullmans andre bok i serien His Dark Materials. Eg forstår ikkje bøkene, og noko ein anna blogger skreiv her om dagen fekk meg til å tenka. Bloggeren skreiv at serien var litt barnslig. Og det kan vera sant, for eg får ikkje troverdighet utav to 12-åringer som skal redda verden!

- Serie 3: Percy Jackson-serien til Rick Riordan har tatt seg opp. Eg likte den første boka, mislikte den andre, og var heilt der i den tredje. Nå kjem den fjerde på norsk i desse dager, og sidan eg allereie leser fleire bøker på engelsk, så velge eg norsk tekst. Men ein skal aldri sei aldri, den femte boka har ikkje kome på norsk ennå, men den er tilgjengelig på engelsk;)

- Eg har delte meiningar om Arto Paasilinna-bøkene. Eg likte godt Harens år (og det har eg inntrykk av at fleire bloggere og gjer), men den siste eg høyrte, Prosten og hans forunderlige tjener, likte eg ikkje noko særleg. I slutten av mars kjem det ei ny på norsk!

- Nicholas Sparks er ein av mine yndlingsforfattere, mest pga dei flotte filmane som fleire av bøkene hans har blitt til. The Rescue var ei nydelig bok om å la kjærleiken seire etter at du har gitt opp, og kor langt ein er villig til å gå for å få tilbake det kjæraste ein eiger. Bøkene hans står i bokhylla, og venter spent på å bli lest.

- Novelleutfordringa: Eg har lest meir eller mindre 10 noveller. Noko eg må læra meg den neste månaden, er at eg treng ikkje lesa alle novellene i ei og same samling.

- I januar månad har eg lest bøker av forfattere frå Finland (Arto Paasilinna), Storbritannia (J.K. Rowling, Philip Pullman), USA (Nicholas Sparks, Rick Riordan), men kun norske novelleforfattere.

- Mål for neste månad: Eg har skreve ned krim som eit delmål, og er allereie godt i gang med Jo Nesbøs femte bok om Harry Hole. Krimbøkene står lina opp i hylla av forfattere som Johan Theorin, Eirik Wekre, Kjetil Try og Jo Nesbø. Eg vil fortsetja med klassikeren min (håpet lever om at eg les den ferdig i løpet av februar) og fortsetjer og med Alyson Noëls Evermore. Eg liker den veldig godt, og med tanke på at ikkje klarte å legge den frå meg i går kveld (måtte til slutt etter 10 leste kapitler for eg måtte ha søvn før jobb) så går det bra.

Til slutt må eg sei takk til bloggeren (husker ikkje kven det var akkurat nå) som ga meg tipset om ikkje å legge frå meg boka midt i kapitlet:)

XOXO

PS. Bildet er frå Bookshelfporn.com DS.