Søk i denne bloggen

søndag 11. november 2012

Bok: "Death Comes to Pemberley"

Forfatter: P.D. James
Utgitt: 2011
Format: Kindle
Forlag: Faber & Faber
Frå: Amazon

Året er 1803, og Elizabeth Bennett har vore gift med Mr Darcy i seks år. Dei har eit godt liv saman på Pemberley, og to skjønne sønner. I nærheten bur Jane saman med Charles Bingley og deira tre barn, og det er ingen skyer i horisonten. På Pemberley er planlegginga av Lady Annes ball i full gang, og kvelden før blir det holdt eit lite middagsselskap med dei nemnte personane pluss Colonel Fitzwilliam, Darcys lillesøster Georgiana og den unge advokaten Henry Alveston. Colonel Fitzwilliam har tidlegare på dagen uttrykt sin interesse for Georgiana til Elizabeth, men då Georgiana etter middagen setter seg ved pianoet er det Alveston som akkompagnerer henne. Fitzwilliam unnskylder seg for å ta ein kveldstur på hesten, og då han kjem tilbake førebur alle seg på å gå til sengs.

Som me veit frå Jane Austens Stolthet og fordom stakk Elizabeths yngste søster av med Darcys barndomsvenn Wickham då ho var seksten år, og det endte med giftermål. Lydia har vore på sporadiske visitter på Pemberley i dei seinare åra, men er hyppigare i Janes hus. Denne kvelden kjem ho derimot i høg fart til Pemberley, og er heilt i frå seg. Ein mann har blitt drept på Pemberley-eigedommen, og Wickham skylder på seg sjølv!

Resten av boka handler i stor grad om rettssaken og dens gang, og me får innblikk i korleis det har gått med Elizabeths yngre søstre, Mary og Kitty, og forholdet Elizabeth har til sine foreldre. For fans av Austen anbefales boka sterkt, eg likte den godt, og syns det var spennande med rettssaken. Har du ikkje lest Stolthet og fordom anbefaler eg den først.

P.D. James er kjent for sine kriminalromaner om Adam Dalgliesh, men eg har ennå til gode å lese om han. Death Comes to Pemberley var ei fin første-James-bok, og det er få andre som hadde klart å komme unna med å skrive videre på Austens klassiker.

Forøvrig starta eg med denne boka på digispiller, men eg er ikkje fornøgd med formatet så viss nokon har lyst på ein er min til salgs.

XOXO

3 kommentarer:

  1. Interessant. Eg vart skuffa over denne boka. Men eg har eit litt anna utgangspunkt; eg har ikkje lese Stolthet og fordom, men alle kriminalromanane til P.D. James.

    SvarSlett
  2. Kvar sin smak. Eg har ikkje lest krimromanane, men ein dag...

    SvarSlett
  3. Glad du også likte boken! Jeg har motsatt problem, for jeg er ikke så begeistret for de andre romanene til P.D. James. De er glitrende skrevet, men blir for lite spennende for meg. Når jeg leser krim, vil jeg ha skikkelig action! Men jeg sliter med å se at man kan lese Death Comes to Pemberley uten å ha lest Stolthet og fordom først. Den er tross alt en oppfølger, selv om forfatteren er byttet ut;-)

    SvarSlett