Bokhyllelesing: "Søndager i august" (#9)

Forfatter: Patrick Modiano (f. 1945)
Originaltittel: Dimanches d'août, oversatt av Tom Lotherington
Utgitt: 1986
Min utgåve: 2014 i revidert utgåve
Format: Heftet, 143 sider
Forlag: Cappelen Damm

Den franske forfatteren Patrick Modiano mottok i 2014 Nobelprisen i litteratur for sitt omfattande forfatterskap. Sjølv hadde eg aldri høyrt om mannen, men eg har nå fleire av hans romaner ståande ulest i bokhylla. I utgangspunktet hadde eg tenkt å lese Thomas Mann i Heddas bokhyllelesing, men når tida ikkje strakk til tar ein noko litt kortare og då vart det Modiano.

Søndager i august går føre seg i Nice, og her treffer me Jean. Han bur i eit nedslitt hybelhus og er ikkje langt frå å miste jobben i eit bilverksted. Han ser tilbake på ein seinsommar med Sylvia, og eit eventyr med ein diamant. Eit mystisk par som og bur i Nice er til bekymring for Jean, og ein anna mann Jean har truffet i Nice vil han helst unngå. Spørsmål om tilhørighet, og kvifor ein er der ein er, er ting som blir tatt opp i Modianos bok.

Eg har kun lest ei bok av Modiano tidlegare, men han har som regel med fleire historier og tidspunkt i bøkene sine. Dei romanane eg har i bokhylla er korte (og det trur eg er gjeldande for store deler av forfatterskapet hans), men dei rommer ein uendelighet av spørsmål. Søndager i august er spennande på ein langsam måte, og du får medlidenhet med hovudpersonen Jean. Patrick Modiano er ein mester i å skildre stemninger - både i omgivelser og sinn. Anbefales!

XOXO

Bok: "The Search Warrant"

Forfatter: Patrick Modiano (f. 1945)
Originaltittel: Dora Bruder
Utgitt: 1997
Min utgåve: 2012
Oversetter (frå fransk til engelsk): Joanna Kilmartin
Format: Ebok, 137 sider
Forlag: Vintage Digital
Mål/utfordringer: Nye forfattere

Om ein månad blir Nobelprisane delt ut, og i går las eg ferdig mi første bok av årets Nobelprismottaker i litteratur. Då det vart kjent at det var franskmannen Modiano som mottar prisen var The Search Warrant den einaste boka Amazon hadde i sitt Kindleutval. Idag er ikkje boka lenger tilgjengelig til Kindle, men Cappelen Damm held på med fleire utgivelser i forbindelse med prisen.

The Search Warrant er ei lita flis av ei bok, og handler om ein avisartikkel. Bokas hovudperson finn ei etterlysning i ei avis frå 1941 om ei ung jente som er sakna frå ein kostskule. Nå kunne dette skjedd i dag og, men Paris i 1941 var midt under okkupasjonstida og Dora Bruder kom frå ein jødisk familie. Etterkvart finn hovudpersonen ei liste over franske jøder sendt til Auschwitz, men han prøver og i det lengste å gå i fotspora til unge frøken Bruder 20 år etter at ho forsvant.

Eg har lest eit sted at bøkene til Modiano handler om andre verdskrig i ulike settinger, og denne boka er intet unntak. Eg er godt fornøgd med første Modiano-bok, det er akkurat så lågmælt og langsomt som eg trengte akkurat nå. I tillegg er språket meget bra, og Modiano kan skrive. Gler meg til fleire Modiano-bøker!

XOXO