Lesesirkel 1001 bøker | Kategorier 2023

Velkommen til nytt 1001-år! Lesesirkel 1001 bøker er ein lesesirkel som går over heile året med 12 kategorier. Bøkene som kan leses finner du HER, og eg godtar kun bøker frå den lista (det sirkulerer ein norsk versjon, men den har lagt til ein haug med norske bøker som eg ikkje godtar).

Atter eit år med lesesirkel er over, og eg må igjen takke alle som har lyst til å vera med og lesa saman med meg. Eller lesa saman med meg er ein løgn for underteikna har fullført 1 av 12 kategorier, og kjem ikkje til å ta frå nokon sjansen til å vinne ein premie om tre dagar. Medlemmane i lesesirkelen leser i alle så sidene flyr, og i skrivande stund veit eg om minst eit medlem (ja, eg tenker på deg, Anne Jorunn) som ikkje gir seg med siste boka før ho må.

Dei siste vekene har eg gått nokon rundar med meg sjølv om eg skulle fortsetje med lesesirkelen, og til slutt la eg ut eit innlegg på Instagram for å lodde stemninga. Der var det god stemning og fleire nye medlemmer så eg bretter opp ermene og lager til eit nytt år.

Eit par endringer inn i det nye året må til, og dei kjem her:

* Eg kjem ikkje til å legge ut innlegg for kvar kategori her på bloggen. Medlemmane leser som oftast i hytt og ver, så nå ser eg ikkje vitsen med eit innlegg i månaden. Dette innlegget vil bli lagt til høgre i margen om det skulle vera naudsynt med ein oppdatering på kva som er kategoriane.

* Det er svært få gjennom fire år med lesesirkel som har lest alle 12 kategorier så derfor tar eg inspirasjon frå ein anna leseutfordring og lager dette systemet:

        * Fullfør seks kategorier, og du får eit lodd i trekning om premie.

        * Fullfør ni kategorier, og du får to lodd i trekning om premie.

        * Fullfør alle tolv kategorier, og du får tre lodd i trekning om premie.

* Lesesirkelen er sjølvsagt på Goodreads i 2023 og (og eg tar gjerne imot fleire lesevenner), og emneknaggen #elidas1001lesesirkel er på Instagram. Eg har eit Excel-ark eg noterer i, og så lenge dykk er gode på å gi beskjed så kjem eg ikkje til å spør etter noko før i desember neste år.

Retningslinjene blir som tidlegare:

* Boka må finnes på 1001-lista. Mi liste her på bloggen er grundig gjennomgått og oppdatert så bruk den.

* Eg ønsker eit vink om at du har lest ei bok. Enten via eit blogginnlegg, eit Instagram-bilete eller frå ein video på YouTube. Nå kan du og bruke Goodreads.

* Om du fullfører seks, ni eller tolv kategorier må dei du har valgt vera ferdiglest innan 31.12.2023 kl. 15.

* Til slutt har eg ei gulrot! Alle fullførte bidrag blir notert, og det blir premie til den som blir trukket ut i trekning.

Over til kategoriane:

* Kategori 1: Bok utgitt mellom 1961 og listas ende. Mi liste inneheld utgivelsesår.

* Kategori 2: Forfattar frå Afrika.

* Kategori 3: Kvinneleg forfattar.

* Kategori 4: Forfattar frå Amerika (Nord-, Mellom- og Sør-Amerika).

* Kategori 5: Wild card! Les akkurat hvilken bok du vil - uavhengig av kjønn, årstall og kontinent.

* Kategori 6: Forfattar frå Europa.

* Kategori 7: Bok på minst 500 sider eller meir. Må ha med minst ein murstein.

* Kategori 8: Forfattar frå Asia.

* Kategori 9: Mannleg forfattar.

* Kategori 10: Victober. Det er eit lesemaraton som går føre seg i oktober der du skal lese viktorianske bøker/verk gitt ut i Storbritannia eller Irland i årene 1837-1901 (altså i dronning Victorias regjeringstid). Lesemaratonet sin definisjon sier at du kan kun lese bøker/verk gitt ut av britiske eller irske forfattere, eller forfattere bosatt i Storbritannia og Irland, i årene 1837-1901.

* Kategori 11: Forfattar som har mottatt Nobelprisen i litteratur. Eg har sjølvsagt ei liste tilgjengelig (intern lenke), men hvilke forfattere som er representert på 1001-lista må du finne ut sjølv.

* Kategori 12: Bok utgitt mellom 1901 og 1960.

Har du spørsmål, fyr laus i kommentarfeltet! Eg er lutter øre, og alltid behjelpelig :-)

XOXO

| Lesesirkel 1001 bøker på Goodreads | Instagram |