Veke 38

For ei god veke sidan, 16. september, fekk eg hakaslepp då eg klikka meg inn på VG Nett. Prinsesse Ragnhild, fru Lorentzen hadde avgått ved døden. Vår konges kjære storesyster og vår alles mystiske prinsesse hadde gått bort i ein alder av 82 år.

Eg er av dei som er veldig glad i kongelege, og veit veldig godt kven som er kven, og kan namngi samtlige monarker i Europa, med etterfølgere. Derfor kjenner eg på sorgen over at prinsesse Ragnhild er død. Samtidig er eg klar over at dødsfallet og begravelsen er ei privatsak for dei mange involverte. I denne saka er ikkje kong Harald konge. Han er ein lillebror som har mista ei av sine storesøstre. Prinsesse Ragnhild var ikkje bare kongsdatter og prinsesse av Noreg. Ho var hustru, mor, svigermor, farmor og mormor, søster, svigerinne, tante og ei kjær venninne.

Prinsesse Ragnhild var mystisk for det norske folk. Kort tid etter bryllaupet med Erling Lorentzen i 1953, reiste dei til Rio de Janeiro for å utforske forretningsmuligheter. Prinsesse Ragnhild har sjølv sagt at kontrakten mellom ho og Erling var for eitt år i Brasil, men kontrakten vart aldri fornya. Dei vart bare verande i Brasil. Der hadde dei sitt liv og virke, og dei tre ungane vaks opp i Rio de Janeiro.

Kilde: bokelskere.no

Eg har lenge lett etter bøker om prinsesse Ragnhild. Boka om kong Harald kom i 2006, ført i pennen av Per Egil Hegge, og boka om prinsesse Astrid kom i 2007, ført i pennen av Trond Noren Isaksen. Boka om prinsesse Ragnhild har eg nå kjøpt gjennom Se&Hør (ja, eg leser sporadisk det bladet) og ved kjøp gjennom dei så går 200,- av kjøpesummen til kreftsaken. Prinsesse Ragnhild og Erling Lorentzen har i årevis gitt bidrag til kreftsaken, og eg syns det var ei nydelig gest å gjera det på den måten. Den heiter Mitt liv som kongsdatter og kom ut allereie i 1995. Eg gler meg til å lese den!

XOXO