Leserefleksjonar #38 | Oktober i bøker

Oktober var: Kald, våt, vindfull, men og veldig fin! Oktober er fine farger, mørketid, meir stearinlys og musikal i Oslo. I fjor var eg og mor i hovudstaden for å sjå Les Miserables på Folketeateret, i år var det min favoritt over alle, Phantom of the Opera.

Forrige fredag sjekka me inn på nattoget, la oss godt til rette og toga austover til Oslo. 8 timar seinare var det frokost på Thon Hotel Terminus, ein kald tur rundt i gatene og innsjekk på hotellet. Eg som er vant med eit lite rom fekk hakaslepp då me låste oss inn på eit aldeles nydelig rom på hotellet (sjå instagram for bilete), og bøttekottet av eit bad var langt i frå det. Heile familien kunne enkelt ha fått plass der inne. Lørdag kveld åt me italiensk pizza og satt ytterst på stolen i 3t og såg Operafantomet. Eg har ikkje ord for kor magisk den musikalen er, og eg som kan den omtrent utenat satt og oversatte dei norske sangtekstane inni hodet mitt. Fly heim søndag ettermiddag, og dermed var ei helg eg har gleda meg så lenge til plutselig over.

I oktober las eg: Det går opp og ned med lesinga, og det er ikkje dei lengste bøkene som får mest plass. Samstundes så leser eg litt kvar dag, og det er det viktigaste for meg. Det som imidlertid slår meg er at det er to månader igjen av leseåret, og eg har 30 bøker igjen for å nå Goodreads-målet! Can I do it?

* Jan Inge Sørbø: Nynorsk litteraturhistorie
* Jørn Lier Horst og Hans Jørgen Sandnes (ill.): Operasjon skrotnisse (Detektivbyrå nr. 2 #14)
* Helene Sandvig: Et langsomt farvel
* Agnes Ravatn: Stoisk uro og andre filosofiske smular
* Reese Witherspoon: Whiskey in a Teacup
* Jill Barklem: Spring Story (Brambly Hedge #1)
* Jill Barklem: Summer Story (Brambly Hedge #2)
* Jill Barklem: Autumn Story (Brambly Hedge #3)
* Jill Barklem: Winter Story (Brambly Hedge #4)
* Jill Barklem: En hemmelig trapp (Brambly Hedge #5)
* Jill Barklem: Høyt til fjells (Brambly Hedge #6)
* Jill Barklem: På tur til sjøs (Brambly Hedge #7)
* Jill Barklem: Barna til Poppi (Brambly Hedge #8)

I oktober fullførte eg ikkje: Eg har hatt fleire bøker heime frå biblioteket som ikkje har blitt lest ferdig. Nå må eg levera tilbake eit par av dei i dag, og den eine er Helene Uris Hvem sa hva? Den må eg låna igjen på eit seinare tidspunkt.

I november har eg planer om: Om to veker går flyet til Berlin på studietur med jobb. Ny by, nytt hotell og nye shoppingmuligheter. Det skal leses ein del, handles julegaver (satser på å begynne tidlig i år), markere bursdagen min og nyte hausten som er min favoritt-årstid (og den neste som sier at vintermånaden nå har komt får stygge fjes tilbake, november er ein haustmånad!).

Kva har du lest og opplevd i oktober?

XOXO