Stemmens kontinent #13 | "Epikurs hage" av Ulla Hahn

Ulla Hahn (f. 1945) er ein tysk forfatter som skriver romaner og lyrikk. I etterordet skriver Ragnar Hovland at Ulla Hahn vaks opp ein nærmast kulturfiendtlig heim, utan bøker. Det var bestemora som introduserte Hahn for bøker. Hahn var spurt ein gong om kva det vakreste ordet i verda er og ho svarte: Liebe. Ein stor del av produksjonen til Ulla Hahn er kjærleiksdikt, og i denne samlinga er det og ein stor del kjærleiksdikt.

Epikurs hage er gjendikta av Ragnar Hovland til nynorsk, og består av 67 dikt frå tidlegare utgitte diktsamlinger. Galileo und zwei Frauen (1997), Epikurs Garten (1995), Liebesgedichte (1993), Unerhörte Nähe (1988) og Herz über Kopf (1981) er samlingene dikta er henta frå. Å gjendikte til nynorsk er ein genistrek, og i dette tilfellet fungerer det meget godt. Eg opplever ikkje dikta som gjenkjennbare, men dei er absolutt gode.

Eit par smakebeter:

Evigheitsblomar for Lene Nimbsch

Vi såg Lasarus stå opp og gå. Fór avstad

Og blei seinare aldri sett.

Ingen såg han døy for andre gong.

Bli eldre

Nøle midt i setningen

Spørje på ny når ein trur

ein har forstått det

Ikkje lenger ha det så travelt

med å ville vite

Halde  ein stein eit glas ei hand

fast lenger enn nødvendig

Røre ermet til den ein snakkar med

for å merke at ein enno er der

Miste ei bok eit blikk ei hud

og ikkje lenger ønskje å finne

Minnast i staden for å lengte

Trene tanken: alt dette vil vere att etter meg

som ein muskel

Kjensle som om nokon var i rommet

XOXO

| Utgitt: 2003 | Format: Hefta, 76 sider | Forlag: Cappelen Damm |

I gjendiktningsserien Stemmens kontinent frå Cappelen Damm er det kun kvinnelege lyrikere som har fått plass. Beathe gjorde meg merksam på denne serien rundt jul og eg heiv meg på idéen om å lese alle 25 bøkene. Serien består av internasjonale poeter frå heile verda, og det var kun ei av dei som eg var kjent med frå før. Forfatteren bak The Bell Jar, Sylvia Plath, er representert og bidraget hennar, Tre kvinner, har eg lest tidlegare utan å bli merksam på at Stemmens kontinent var ein serie.

Eg leser lite lyrikk i utgangspunktet, men liker idéen om at det kun er kvinner representert og at det er frå heile verda. Det er den norske lyrikeren Hanne Bramness som er initiativtaker, redaktør og i enkelte tilfelle gjendikter. Eg ser fram til å bli betre kjent med alle 25 bidraga. Beathes progresjon med serien kan følges HER (ekstern lenke).